Plantun de Prouvènço

Pèr coumpara dos planto d'encò nostre

Salix cinerea & Typha laxmannii

Orle

Salix cinerea

Salicaceae

Noms en français : Saule cendré, Saule gris.

Descripcioun :
L'orle es un aubret à port de bouissoun proun pelous sus tóuti si branco (fin qu'à dos annado). Se pòu engana emé l'amarinas, Salix caprea mai pèr aquéu si fueio soun larjo vers lou mitan alor que pèr l'orle, lou mai larg s'atrobo vers lou bout. En mai d'acò l'amarinas èi rapidamen pu pelut sus li ramo. Coumpara emé l'amarinas.

Usanço :
Lou bos, eisa à fendescla, pòu servi pèr la banastarié o pèr fabrica un mouloun de pichòti causo. Tóuti li rusco de sause caupon de salicino que douno d'acide salicilì dins lou cors, ço qu'ajudo à abeissa li fèbre e lucha contro lou mau d'os.

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Salix
Famiho : Salicaceae

Ordre : Malpighiales

Coulour de la flour : Jauno
Petalo : ges
Ø (o loungour) enflourejado : 4 à 5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Bos umide
Estànci : Mesoumediterran à Mountagnard
Couroulougi : Paleotemperado
Ref. sc. : Salix cinerea L., 1753

Fielouso(-de-Laxmann)

Typha laxmannii

Typhaceae

Àutri noum : Filouso, Sagno, Masseto.

Nom en français : Massette de Laxmann.

Descripcioun :
Aquesto fielouso o sagno trachis dins li roubino e en ribo d'aigo. La planto es eici pas tant verdalo que si cousino. Pèr la destria mai seguramen fau regarda li fueio que fan de 2 à 5 mm de larg, aleva aquéli di rejit que podon faire fin qu'à 8 mm. Causo impourtanto, lis auriheto di fueio d'en aut soun bèn marcado emé souvènt de pichòti pouncho (vèire la fotò).

Usanço :
Li fueio de fielouso podon èstre utilisado rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.